Það var mikið fjör um liðna helgi þegar Grundfirðingar fögnuðu sjómannadagshelginni. Varðskipið Óðinn kom í heimsókn á föstudeginum, fyrrverandi sjómenn voru heiðraðir og keppt var í hinum ýmsu þrautum á laugardeginum. Veðrið var milt og gott og var ekki annað að sjá en að allir hafi skemmt sér konunglega. Aðalsteinn Valur Grétarsson ljósmyndari var á ferðinni og myndaði það sem fyrir augu bar.