Í gær voru 74 nemendur brautskráðir frá Fjölbrautaskóla Vesturlands á Akranesi. 39 nemendur luku stúdentsprófi af þremur brautum, átta luku burtfararprófi úr rafvirkjun, fjórir úr vélvirkjun, tólf luku prófi af sjúkraliðabraut, einn lauk námi á framhaldsskólabraut og tveir útskrifuðust af starfsbraut. Sjö nemendur luku viðbótarnámi til stúdentsprófs eftir að hafa lokið iðngrein og fjórir nemendur luku viðbótarnámi til stúdentspróf samhliða námi iðngreina eða sjúkraliðanámi.