Það bar til tíðinda að Angela Árnadóttir, myndlistarkennari við Fjölbrautskóla Vesturlands á Akranesi, sigraði í keppni sem jafnréttisnefnd Kennarasambands Íslands stóð fyrir á dögunum. Af því tilefni var efnt til innanhússkeppni í jafnréttisverkum nemenda við skólann. Átta dómarar úr röðum starfsfólks FVA voru fengnir til að leggja mat á fjögur verkefni sem kepptu til úrslita. Verkefni dómnefndar var ekki einfalt, enda gríðarlega metnaðarfullt og fjölbreytt verkefni um að ræða. Niðurstaða dómnefndar var að ljósmyndaserían „Heimþrá“ bar sigur úr býtum. Í umsögn dómnefndar kom fram að nálgun verkefnisins hafi verð áhrifarík og öðruvísi og tenging við jafnréttið mjög sterkt. Sterk listræn útfærsla sem fær fólk til að hugsa. Í öru sæti var „Snákaspilið – fæðingarorlofsútgáfan“. Dómnefnd fannst spilið vera vel útfært og fara með spilara beint í kerfi fæðingarorlofs, þroskað verkefni með skýrt jafnréttisgildi. Jafnrétti er sífellt baráttumál sem Angela hefur af krafti og eldmóði gert að stórum og lærdómsríkum listviðburði hér í skólanum og hrifið nemendur með sér. Blaðamaður Skessuhorns hitti Angelu og ræddi við hana um listina og lífið – og þennan merka árangur.