Undir kvöld í gær kom upp gróðureldur í klettasvæðinu suðaustan við gömlu Hlíðartúnshúsin í Borgarnesi. Grunur leikur á að einhverjir hafi verið að fikta með eld ofan við fjöruna. Lögregla og slökkvilið voru kölluð til og tók ríflega hálftíma að slökkva eldinn, sem náði yfir um 400 fermetra svæði. Meðfylgjandi mynd tók Sigurjón Guðmundsson.

Vert er að minna á að meðan jörðin er enn sinugrá, er eldhætta til staðar og ástæða til að hvetja fólk til aðgæslu með eld.