Í dag býður Slökkvilið Akraness og Hvalfjarðarsveitar leikskólabörnum á starfssvæði sínu að heimsækja slökkvistöðina við Kalmansvelli. Hópur slökkviliðs- og sjúkraflutningafólks sýndi börnunum búnað og tæki og þá fengu börnin að sprauta úr brunaslöngum í mark og hlaupa í gegnum vatnsfoss. Bjössi brunabangsi var á svæðinu og steig dans með krökkunum. Veður var ákjósanlegt eins og jafnan á þessum árvissa degi. Á meðfylgjandi myndum eru börn frá leikskólunum Akraseli og Garðaseli. Við leyfum myndunum að tala sínu mál.