Síðastliðinn föstudag áttust við í Akraneshöllinni Kári og Hvíti Riddarinn í annarri deild karla í fótbolta. Þessi lið hafa mæst 16 sinnum, þar af hefur Kári borið sigur úr býtum níu sinnum, fjögur jafntefli og þrír sigrar hjá Hvíta Riddaranum. Að þessu sinni lauk tíðindalitlum leik með markalausu jafntefli. Kári situr á toppnum með sjö stig en Hvíti Riddarinn er í sjöunda sæti með þrjú stig að loknum þremur umferðum.