Vel hefur verið staðið að húsnæðisuppbyggingu hjá Akraneskaupstað undanfarin ár. Samkvæmt nýrri samantekt Húsnæðis,- mannvirkja- og skipulagsstofnun (HMS) um húsnæðisáætlanir sveitarfélaga árið 2025, hefur húsnæðisuppbygging hjá Akraneskaupstað verið í samræmi við íbúðaþörf undanfarin ár. Þetta kemur fram á vef Akraneskaupstaðar. Þar kemur einnig fram að Akraneskaupstaður hafi tryggt nægilegt framboð byggingarhæfra lóða til framtíðaruppbyggingar.  Í húsnæðisáætlun sveitarfélagsins eru tilgreindar byggingarhæfar lóðir fyrir 238 íbúðir árið 2026. Akraneskaupstaður gerir ráð fyrir að árleg ný íbúðaþörf verði á bilinu 83 til 104 íbúðir á tímabilinu 2025-2034. Því hefur sveitarfélagið útvegað nægilega margar byggingarhæfar lóðir til þess að mæta íbúðaþörf samkvæmt eigin mati.