Þegar lokatölur lágu fyrir í kosningunum til bæjarstjórnar á Akranesi í nótt var ljóst að Sjálfstæðisflokkurinn er stærstur í bæjarfélaginu með 33,6% fylgi og heldur þremur bæjarfulltrúum. Samfylking og Framsóknarflokkur tapa báðir fylgi frá síðustu kosningum og missa einn fulltrúa hvor flokkur. Framsókn með frjálsum fékk 23,6% og Samfylking 22,3%. Tveir nýir flokkar buðu fram að þessu sinni og fá sinn hvorn bæjarfulltrúann; Viðreisn hlaut 10,7% og Miðflokkurinn 9,7%.

Þessar niðurstöður sýna að meirihluti Sjálfstæðisflokks og Samfylkingar geta myndað meirihluta í bæjarstjórn með fimm fulltrúa, en flokkarnir höfðu sex í fráfarandi bæjarstjórn. Þrír stærstu flokkarnir töpuðu allir fylgi frá síðustu kosningum.

Bæjarfulltrúar verða: Líf Lárusdóttir, Bjarnheiður Hallsdóttir og Guðmundur Ingþór Guðjónsson frá Sjálfstæðisflokki, Ragnar B Sæmundsson og Liv Ása Skaarstað frá Framsókn með frjálsum, Sigurður Vopni og Jónína Margrét Sigmundsdóttir frá Samfylkingu, Jón Guðni Guðmundsson frá Viðreisn og Hrafn Ágúst Björnsson frá Miðflokki.