Innviðaráðuneytið hefur ákveðið að ógilda kosningar um sameiningu Árneshrepps og Kaldrananeshrepps, en tillaga um sameiningu var samþykkt í báðum hreppunum í íbúakosningu sem fram fór í mars. Meirihluti íbúa beggja sveitarfélaga samþykkti að sveitarfélögin yrðu sameinuð og lagt var til að sameiningin tæki gildi í lok maí. Framkvæmd kosninganna var kærð til innviðaráðuneytisins sem hefur komist að þeirri niðurstöðu að kosningin hafi ekki verið lögmæt.