Á aðalfundi Ferðafélags Snæfellsness, sem fór fram 7. maí á Hraunhálsi í Helgafellssveit, gerði nýkjörinn formaður félagsins, Guðmundur Rúnar Svansson í Dalsmynni, það að sínu fyrsta verki að leggja það til að Reynir Ingibjartsson yrði kjörinn heiðursfélagi, og var það samþykkt með dynjandi lófataki. Reynir hafði fyrr á fundinum gefið félaginu safn sitt af örnefnalýsingum, og voru það fáeinir kassar af skjölum. Tæplega 30 manns sóttu aðalfundinn.