Út er komin ný samantekt úr landamærakönnun Ferðamálastofu meðal erlendra ferðamanna fyrir árið 2025. Líkt og niðurstöður fyrri kannana hafa sýnt hafði náttúra landsins mest áhrif á ákvörðun ferðamanna um að heimsækja Ísland, en 86% sögðu hana hafa haft mikil áhrif. Náttúrutengd afþreying (61%), áhugi á norðurslóðum (47%) og Ísland sem öruggt ferðamannaland (40%) voru einnig meðal þeirra þátta sem flestir sögðu hafa haft mikil áhrif. Þá sögðu 29% að meðmæli vina og ættingja hefðu haft mikil áhrif, 22% nefndu loftslag og 20% íslenska menningu og Íslendinga almennt.