Þessa dagana róa þeir stíft sem hafa leyfi til strandveiða. Frá maí og fram í ágúst eru veiðar leyfðar frá mánudögum til fimmtudaga. Svo er annað mál hvort veiðiheimildir til strandveiða dugi nema eitthvað fram í júlímánuð. Að óbreyttu verður það svo. Meðfylgjandi myndir tók Andri Ottó Kristinsson af Bergvini Sævari Guðmundssyni á Sif SH-132. Hann var í síðustu viku á leiðinni til heimahafnar í Grundarfirði. Sól en nokkur vindur var á heimstíminu og viðbúið að pusað hafi yfir skjólborðin.