Íris María Leifsdóttir opnar sýninguna Ryðverk, í Norska húsinu í Stykkishólmi laugardaginn 16. maí kl. 14-16. Lokadagur sýningarinnar verður 16. júní. Ryðverk Írisar Maríu Leifsdóttur eru samvinna listamanns, veðurs og tíma. Járnplöturnar standa undir berum himni þar sem úrkoma og önnur veðurskilyrði vinna á málminum og þannig er hvert verk bundið þeim tíma og stað þar sem eyðingarmáttur náttúrinnar hefur mótað það. Útkoman er því jafn ófyrirsjáanleg og tíðarfarið sem hún endurspeglar.