„Á Vesturlandi yrðu bein fjárhagsleg áhrif fullkomins afnáms línuívilnunar og skeldýrabóta á útsvarstekjur viðkomandi sveitarfélaga mestar á Sveitarfélagið Stykkishólm.  Grundarfjarðarbær yrði þar annar í röðinni, Snæfellsbær þriðji og Akraneskaupstaður fjórði. Vísbendingar eru um að möguleikar útgerða í þessum sveitarfélögum til að bæta sér það upp með strandveiði eru samt mestir í Sveitarfélaginu Stykkishólmi, þá Snæfellsbæ, síðan Grundarfjarðarbæ en síst í Akraneskaupstað.“ Þetta er meðal þess sem kemur fram í nýrri Glefsu, vefriti Samtaka sveitarfélaga á Vesturlandi, en höfundur er dr. Vífill Karlsson hagfræðingur.