Norræni fjárfestingarbankinn (NIB) og Orkuveita Reykjavíkur hafa undirritað tíu ára lánasamning að fjárhæð ríflega 4,6 milljarða króna til fjármögnunar framkvæmda hjá ON Power við Hellisheiðarvirkjun á árunum 2025–2027. Verkefnið felur í sér aukna varmaframleiðslu til húshitunar, borun nýrrar vinnsluholu sem og byggingu nýs viðhalds- og geymsluhúsnæðis. Heildarkostnaður verkefnisins nemur ríflega 6,3 milljörðum króna.