Það er áhugaverð uppsetning á sviðinu hjá Mugison þar sem hann spilar á hin ýmsu hljóðfæri hvort sem þau eru hefðbundin eða óhefðbundin. Ljósm. tfk
Mugison á ferð og flugi
Listamaðurinn Örn Elías Guðmundsson, sem gengur undir listamannsnafninu Mugison, skemmti í Grundarfjarðarkirkju í gær. Góð mæting var á tónleikana og skemmtu tónleikagestir sér vel undir ljúfum tónum Mugison. Laugardeginum áður spilaði hann í Stykkishólmskirkju einnig við góðar undirtektir. Mugison mun svo spila í Hvanneyrarkirkju 23. apríl næstkomandi og svo í Hlöðunni að Hjalla í Hvalfirði 24. apríl.