Í gærkvöldi var keppt í tveimur greinum á lokadegi Vesturlandsdeildarinnar; í tölti T1 og skeiði í gegn um Faxaborg. Mikil spenna var í loftinu en mjög mjótt var á milli efstu knapa í einstaklingskeppninni og efstu liða í liðakeppni. 30 knapar voru skráðir til leiks í tölti T1 og 26 í skeiðinu. Fór keppnin vel fram í hvívetna og sáust mörg góð tilþrif, bæði á tölti og á skeiði.