Íbúar Snæfellbæjar eiga öflugt og ágætlega mannað slökkvilið og vel tækjum búið til að takast á við fjölbreyttar aðstæður sem upp koma. Matthías Páll Gunnarsson er slökkviliðsstjóri og segir hann í samtali við Skessuhorn að alls séu 25 manns starfandi í liðinu og sé það prýðilega mannað vel æfðum mannskap. Hann segir að þeir haldi reglulega æfingar þar sem farið er yfir margs konar aðstæður sem upp kunna að koma.