Þriggja kvölda páskatvímenningi Bridgefélags Borgarfjarðar lauk í gær í Logalandi. Samanlagður árangur þriggja kvölda gilti til verðlauna. Ingimundur Jónsson og Anna Heiða Baldursdóttir báru sigur úr býtum með 183,5 stigum. Fengu þau að launum síðustu óbrotnu páskaeggin í Bónus. Í öðru sæti varð Sveinbjörn Eyjólfsson með 181,9 stig, en tvö af kvöldunum spilaði hann við Sigríði Arnardóttur en einu sinni við Heiðar Árna Baldursson. Í þriðja sæti urðu svo Jón Eyjólfsson og Baldur Björnsson með 153,1 stig.