Skemmtiferðaskipasumarið 2026 fer brátt að hefjast og fyrsta skip er væntanlegt til Grundarfjarðar sunnudaginn 17. maí. Grundarfjarðarhöfn býður til samtals um móttöku skemmtiferðaskipa þar sem farið verður yfir sumarið, skipulag þess og breytingar. Síðan verður opið fyrir spurningar og umræður. Fundurinn verður haldinn í Samkomuhúsi Grundarfjarðar þriðjudaginn 28. apríl frá kl. 17:00-19:00. Fram kemur í tilkynningu að markmið fundarins sé að stilla saman strengi, miðla upplýsingum, efla samtal og sameiginlega sýn varðandi þjónustu gesta í Grundarfirði.