Linda Björk Pálsdóttir sveitarstjóri í Hvalfjarðarsveit hefur tilkynnt að hún sækist ekki eftir endurráðningu í starf sveitarstjóra eftir kosningarnar í næsta mánuði. Þetta tilkynnti hún á heimasíðu sveitarfélagsins í morgun. „Ég hef verið þeirrar gæfu aðnjótandi sl. níu ár að fá að nýta starfskrafta mína í þágu Hvalfjarðarsveitar með öllu því frábæra starfsfólki sem þar starfar að alúð og heilindum. Þessi níu ár hafa verið fljót að líða enda verkefnin næg og fjölbreytt í ört stækkandi sveitarfélagi,“ skrifar Linda.