Sjálfstæðisflokkurinn í sameinuðu sveitarfélagi Borgarbyggðar og Skorradalshrepps, samþykkti í gær framboðslista fyrir kosningarnar 16. maí á fundi fulltrúaráða flokksins í Mýrasýslu og Borgarfjarðarsýslu. Fundurinn var haldinn í björgunarmiðstöðinni á Fitjum í Borgarnesi. Flokkurinn hefur á þessu kjörtímabili átt tvo fulltrúa í sveitarstjórn. Efstu þrjú sæti listans eru skipuð sama fólki og setið hefur í sveitarstjórn undanfarin fjögur ár auk varafulltrúa þeirra. Sigurður Guðmundsson í Borgarnesi er sem fyrr í oddvitasætinu, Ragnhildur Eva Jónsdóttir í Arnþórsholti í öðru sæti og Kristján Ágúst Magnússon á Snorrastöðum í þriðja.

Listinn í heild sinni er þannig:

Nr. 1 Sigurður Guðmundsson, fjármálastjóri og sveitarstjórnarfulltrúi

Nr. 2 Ragnhildur Eva Jónsdóttir, lögfræðingur og sveitarstjórnarfulltrúi

Nr. 3 Kristján Ágúst Magnússon, bóndi og varasveitarstjórnarfulltrúi

Nr. 4 Birgir Heiðar Andrésson, framleiðslustjóri

Nr. 5 Svana Hrönn Jóhannsdóttir, fjármálaráðgjafi

Nr. 6 Ólafur Tryggvason rekstrarstjóri Ísbílsins

Nr. 7 Sigríður Guðbjartsdóttir, húsmóðir

Nr. 8 Gísli Guðjónsson, bóndi

Nr. 9 Margrét H. Guðmundsdóttir, bs í landslagsarkitektúr

Nr. 10 Heiða Dís Fjeldsted, reiðkennari og tamningamaður

Nr. 11 Sigurður Guðmundsson, forstöðumaður skólabúða UMFÍ

Nr. 12 Sumarliði P. Sigurbergsson, íþróttakennari og þjálfari

Nr. 13 Fannar Kristjánsson, smiður

Nr. 14 Arnþór Pálsson, bóndi og slökkviliðsmaður

Nr. 15 Birgitta Rán Ásgeirsdóttir, deildarstjóri tæknideildar á Vestursvæði Vegagerðarinnar

Nr. 16 Jónína Erna Arnardóttir, tónlistarskólastjóri og píanóleikari

Nr. 17 Axel Freyr Eiríksson, gæða- og öryggisfulltrúi hjá Ístak

Nr. 18 Magnús Birgir Jónsson, fv. rektor LbhÍ.