H-listinn - listi framfarasinna í Stykkishólmi, kynnti um helgina framboðslista sinn fyrir komandi sveitarstjórnarkosningar í Sveitarfélaginu Stykkishólmi. „Listinn er skipaður 14 öflugum einstaklingum á öllum aldri með fjölbreytta reynslu og brennandi áhuga á að vinna að bættum hag sveitarfélagsins. Björn Ásgeir Sumarliðason leiðir listann,“ segir í tilkynningu.

,,Ég vil þakka það traust sem mér og frambjóðendum H-listans er sýnt. Ég finn til ábyrgðar í því verkefni að leiða listann og mun leggja mig allan fram við að standa undir þeim væntingum. Þau ykkar sem þekkja mig vita að ég hef mikinn áhuga á velferð og velgengni samfélagsins. Á því verður ekki breyting, þvert á móti mun ég leggja enn meiri áherslu á að vinna að farsælli þróun þess,“ segir Björn Ásgeir.

H-listinn boðar til fundar í kvöld, þriðjudaginn 7. apríl kl. 20:00, í Vínstúkunni á Narfeyrarstofu þar sem helstu áherslumál verða kynnt og frambjóðendur kynna sig og taka samtal við íbúa.

Listinn í heild er þannig:

Nr. 1 Björn Ásgeir Sumarliðason, lögreglumaður

Nr. 2 Steinunn I. Magnúsdóttir, framhaldsskólakennari

Nr. 3 Mattías Arnar Þorgrímsson, skipstjóri

Nr. 4 Þórhildur Eyþórsdóttir, grunnskólakennari

Nr. 5 Vikoría Líf V. Ingibergsdóttir, þjónustufulltrúi Arion banka
Nr. 6 Þröstur Ingi Auðunssn, vélstjóri

Nr. 7 Jón Ragnar Daðason, tréskipasmiður

Nr. 8 Ragnar Ingi Sigurðsson, grunnskólakennari og sjálfstætt starfandi

Nr. 9 Anna Margrét Pálsdóttir, háseti
Nr. 10 Kári Geir Jensson, verkstjóri

Nr. 11 Guðbjörg Arna Evudóttir, félagsráðgjafi

Nr. 12 Marteinn Óli Þorgrímsson, sjómaður

Nr. 13 Björg Gunnarsdóttir, grunnskólakennari og fræðslustjóri FRÍ

Nr. 14 Guðmundur Kolbeinn Björnsson, vélafræðingur