Mánudaginn 30. mars var haldið boccíamót í íþróttahúsinu í Borgarnesi. Skráð voru tólf lið til keppni, en ellefu mættu til leiks. Liðin voru frá Húnaþingi-vestra, Akranesi og Borgarbyggð. Keppt var í þremur riðlum, alls 18 leikir. Sigurvegarar í riðlunum kepptu svo sín á milli til úrslita. Úrslitaleikirnir þrír voru spennandi og réðust úrslit ekki fyrir en í síðasta leik. Með góðri samvinnu keppenda og annarra er að mótinu komu stóðust tímasetningar nánast alveg.