Vegagerðin hefur gefið frá sér tilkynningu um lokun Hvalfjarðarganga vegna nauðsynlegrar endurnýjunar á lýsingu. Þau verða lokuð á kvöldin frá kl. 21:30 til kl. 06:00, frá sunnudagskvöldum til föstudagsmorgna, á tímabilinu 7. apríl til 29. maí eða í um sjö vikur, opið verður sem sagt fyrir umferð aðfaranætur laugardags og sunnudags.Tekið er fram að framkvæmdin sé liður í því að tryggja öryggi vegfarenda og uppfæra mikilvæga innviði í samræmi við nútímakröfur, en ekki sé hægt að vinna verkið án lokana með fullnægjandi öryggi.