Frá haustinu 2023 hafa nemendur á Eldhömrum og iðkendur í Heilsueflingu 60+ í Grundarfirði hist reglulega og kynnst starfi hvors annars. Hóparnir eru með nokkrar góðar samverustundir yfir veturinn. Nemendur á Eldhömrum mæta í íþróttatíma með Heilsueflingunni þar sem farið er í skemmtilega leiki og teygt vel á. Iðkendur heilsueflingar koma svo á Eldhamra og eiga notalega stund með krökkunum þar sem nemendur hafa útbúið hressingu eftir að hafa sýnt deildina. Þá er mikið leikið, spjallað og allir eiga notalegar stundir saman.