Í kvöld var framboð B-lista Framsóknar til sveitarstjórnar Borgarbyggðar kynnt á félagsfundi í Landnámssetrinu í Borgarnesi. Sex efstu nöfn á listanum eru þessi:

Davíð Sigurðsson formaður byggðarráðs Borgarbyggðar og bóndi.

Sonja Lind Eyglóardóttir lögfræðingur.

Jón Eiríkur Einarsson, oddviti Skorradalshrepps og bóndi.

Guðdís Jónsdóttir, bóndi og ritari í Grunnskólanum í Borgarnesi.

Jón Theodór Jónsson, framkvæmdastjóri og yfirþjálfari.

Ásdís Helga Bjarnadóttir, umhverfis- bú- og ferðamálafræðingur.

Í tilkynningu frá framboðinu segir m.a. að á liðnu kjörtímabili hafi stórátak verið gert í skipulagsmálum, framboð atvinnu- og íbúðalóða hafi stóraukist og að uppbygging íþróttamannvirkja séu í fullum gangi. Enn fremur eftirfarandi:

„Oddviti listans er Davíð Sigurðsson. Davíð býr í Miðgarði í Stafholtstungum ásamt eiginkonu sinni, Sigríði Arnardóttur grunnskólakennara við grunnskóla Borgarness, og þremur sonum þeirra. Davíð er sauðfjárbóndi, hrossaræktandi og vélvirki en hann rak um 10 ára skeið dekkjaverkstæði og smurstöð í Borgarnesi. Hann hefur undanfarin 8 ár setið í sveitarstjórn Borgarbyggðar og síðustu 4 ár sem formaður byggðarráðs ásamt því að gegna formennsku í skipulags og byggingarnefnd. „Ég er spenntur fyrir komandi kjörtímabili. Framsókn hefur komið í gegn stórum og nauðsynlegum framkvæmdum á tímabilinu og við ætlum okkur að halda áfram á þeirri vegferð. Það er frábært að sjá hversu margir eru tilbúnir til þess að taka þátt í því með okkur.“

Listann í heild skipa eftirtalin: Davíð Sigurðsson formaður byggðarráðs Borgarbyggðar og bóndi, Sonja Lind Estrajher Eyglóardóttir lögfræðingur, Jón Eiríkur Einarsson oddviti Skorradalshrepps og bóndi, Guðdís Jónsdóttir bóndi og ritari í grunnskólanum í Borgarnesi, Jón Theodór Jónsson framkvæmdastjóri og yfirþjálfari knattspyrnudeildar Skallagríms, Ásdís Helga Bjarnadóttir umhverfis- bú- og ferðamálafræðingur, Kristín Jónsdóttir hreppsnefndarfulltrúi og vörubílstjóri, Valdimar Reynisson skógfræðingur hjá Yggdrasil Carbon, Hafdís Jóhannsdóttir deildafulltrúi rekstrarsviðs hjá LbhÍ, Inga Berta Bergsdóttir atvinnurekandi og nemi, Bryndís Birgisdóttir eigandi og yfirþjálfari Metabolic Borgarnesi, Ásdís Lind Vigfúsdóttir nemi, Egill Gunnarsson umsjónarmaður hveititilrauna hjá Lbhí, Kristín Erla Guðmundsdóttir nefndarmaður og húsmóðir, Sigurþór Kristjánsson bakarameistari og tónlistarkennari, Lilja Rannveig Sigurgeirsdóttir ritari Framsóknar og bóndi, Bergur Þorgeirsson forstöðumaður Snorrastofu, Guðveig Lind Eyglóardóttir forseti sveitarstjórnar.

Nánari upplýsingar verða væntanlega birtar á Facebooksíðu Framsóknarflokksins síðar í kvöld.

Borgarbyggð – listi Framsóknar kynntur