Taflfélag Snæfellsbæjar hefur staðið fyrir hinum ýmsu skákviðburðum og keppnum undanfarin misseri. Mikil gróska hefur verið í skákinni í Ólafsvík og Grundarfirði eftir að Sigurður Scheving fór af stað með skipulagðar æfingar fyrir unga sem aldna en hann kom Taflfélagi Snæfellsbæjar á legg haustið 2022. Síðan hefur mikil starfsemi verið í félaginu og iðkendum alltaf að fjölga. Þorsteinn Hjaltason og Sigurrós Sanda Bergvinsdóttir hafa verið honum innan handar með unglingastarfið og haldið utan um þetta með Sigurði.

Laugardaginn 21. mars fór fram Vesturlandsmót í skák í sal Fjölbrautaskóla Snæfellinga. Þar mættu 19 keppendur til leiks. Efstu keppendurnir í hverjum aldursflokki keppa svo á Íslandsmótinu í skólaskák í byrjun maí en það verður haldið í Klifi í Ólafsvík sem er mikill heiður fyrir Taflfélag Snæfellsbæjar.

***Sigurður Scheving kynnir hér sigurvegara í hópi 1. – 4. bekkjar.***

***Keppendur þungt hugsi yfir næsta leik.***

Vesturlandsmótið í skák fór fram í FSN