Loksins tókst að opna skíðalyftuna í Grundarfirði í gær. Þá hafði snjóað nóg til að hægt væri að troða brekkurnar og opna lyftuna fyrir skíðaáhugafólk á svæðinu. Aðstæður til skíðaiðkunar voru með besta móti og var fjöldinn allur af skíðaiðkendum sem mættu og renndu sér í brekkunum. Frítt var í lyftuna þennan dag og var ekki annað að sjá en að allir hafi skemmt sér konunglega.