Keppni í fimmgangi F1 Vesturlandsdeildarinnar í hestaíþróttum fór fram í Faxaborg að kvöldi síðasta þriðjudags. 24 keppendur voru skráðir til leiks og gekk mótið í alla staði vel. Bæði var um að ræða liða- og einstaklingskeppni.

A úrslit fóru þannig:

Nr. 1. Siguroddur Pétursson og Tign frá Hrauni 6,60

Nr. 2. Reynir Örn Pálmason og Lína f. Miklaholtshelli 6,43

Nr. 3 Þorgeir Ólafsson og Platon f. Áskoti 5,95

Nr. 4 Benedikt Þór Kristjánsson og Tvenna f. Vogatungu 5,86

Nr. 5 Þorgils Kári Sigurðsson og Nasi f. Syðra-Velli 5,76.

Reynir Örn Pálmason leiðir einstaklingskeppnina með 25 stigum en í 2. og 3. sæti eru þeir Siguroddur Pétursson og Þorgeir Ólafsson með 20 stig. Þar á eftir koma Sindri Sigurðsson með 17 stig og Þorgils Kári Sigurðsson með 16 stig.

Liðakeppnin

Stigahæsta lið kvöldsins var lið Bergs með 48 stig. Staðan í liðakeppninni eftir þrjár keppnisgreinar er þannig:

Nr. 1. Hergill/Exporthestar 131,5 stig

Nr. 2. Hestaland 129 stig

Nr. 3 Berg 117,5 stig

Nr. 4 Mýrdalur 101,5 stig

Nr. 5 Kidka/Söðulsholt/Hestakofinn 95 stig

Nr. 6 Skáney 77 stig

Nr. 7 Avents viðburðaþjónusta 32,5 stig.

Næsta mót í deildinni verður haldið í Faxaborg þriðjudaginn 14. apríl og verður þá keppt í tölti T1 og skeiði í gegn um höllina. Því eru ennþá fjölmörg stig í pottinum þannig að allt getur gerst.

**Lið Bergs var hæst eftir kvöldið með 48 stig.**

Keppt var í fimmgangi í Vesturlandsdeilinni