Nú er suðvestan hvassviðri um allt vestanvert landið og gul viðvörun í gildi. Rigning er á láglendi en él til heiða. Á norðanverðu Snæfellsnesi er mjög hvasst og slær vindur í 40 metra á sekúndu eins og sjá má á meðfylgjandi skjáskoti af umferdin.is. Við Hafnarfjall slær vindur í 29 m/sek í hviðum. Þessu fylgir einnig mikil úrkoma. Nú er ófært á Bröttubrekku, Holtavörðuheiði og Fróðárheiði. Fólk er hvatt til að kynna sér veður og færð áður en haldið er út í umferðina.