„Þessi hátíð hefur gefið lífi mínu tilgang,“ segir athafnakonan Gréta Sig Bjargardóttir í Stykkishólmi sem fékk þá hugmynd fyrir 14 árum að efna til bóka- og söguhátíðar í Stykkishólmi. Þrettánda Júlíönuhátíðin verður haldin í Stykkishólmi 19. til 21. mars en hátíðin er ein metnaðarfyllsta menningarhátíð á Vesturlandi og lifir eingöngu á frjálsum framlögum og styrkjum.