Nú er lokið endurbótum á búningsklefum í Íþróttamiðstöðinni í Borgarnesi. Hafa bæði karla- og kvennaklefar verið opnaðir að nýju eftir framkvæmdir síðustu mánaða. Fram kemur á upplýsingasíðu Borgarbyggðar að framkvæmdir við karlaklefann hafi byrjað um miðjan nóvember á síðasta ári. Þar var rýmið stækkað, skipulagi breytt og nýjum sturtum bætt við til að bæta aðstöðu gesta. Um miðjan janúar á þessu ári var kvennaklefanum einnig lokað vegna endurbóta. Í þeim framkvæmdum var meðal annars farið í endurnýjun á sturtum og salernisaðstöðu.