„Sveitarfélög um land allt hafa að undanförnu unnið að einni umfangsmestu stafrænu umbreytingu til þessa en breytingin mun hafa víðtæk áhrif á bæði þjónustu og rekstur. Í samstarfi við Wise hafa fjölmörg sveitarfélög uppfært og innleitt nýjar lausnir sem nýta Microsoft skýjalausnir og gervigreind til að efla stafrænan rekstur.“ Þetta var meðal þess sem kom fram á Notendamóti Wise 2026 sem fram fór í síðustu viku, þar sem framtíð skýjalausna, gervigreindar og stafrænnar þróunar í sveitarfélögum var í brennidepli. Hátt í 200 gestir frá öllum landshlutum sóttu mótið.