„Íslensku olíufélögin eru nær fjórfalt líklegri til að skila verðhækkunum til neytenda en verðlækkunum og álagning á bensín hefur verið sögulega há undanfarið. Eldsneytisverð gæti verið um 20 krónum lægra ef olíufélögin færðu álagningu að langtímameðaltalinu.“ Þetta er megin inntak í nýrri greiningu Visku stéttarfélags. Félagið hvetur stjórnvöld til að þrýsta á olíufélögin til að hlífa almenningi við áhrifum Íransstríðsins með lægri álagningu.