Það var ósvikin hátíðarstemning í Búðardal í gær þegar ný og glæsileg íþróttamiðstöð var formlega vígð. Dalabyggð bauð til veislu, ávörp voru flutt, sóknarpresturinn blessaði mannvirkin og boðið var upp á risastóra afmælistertu. Talið er að um fimm hundruð gestir á öllum aldri hafi verið viðstaddir. Það var svo Halla Tómasdóttir forseti Íslands sem klippti á borða og vígði þar með mannvirkin.