Mikið var um að vera þegar verið var að hífa aflann upp úr lestum Akureyjar enda verið að drífa sig aftur til veiða. Ljósm. tfk
Lífið gengur sinn vanagang á höfninni
Miðvikudaginn 18. febrúar kom togarinn Akurey AK-10 til löndunar í Grundarfirði og landaði tæpum 160 tonnum af fiski áður en skipið hélt aftur til veiða rétt eftir miðnætti. Þórsnes kom einnig í land í Grundarfirði þar sem áhöfnin hvíldi lúin bein um borð áður en haldið var út á miðin til að draga netin eftir nóttina.