Þau eru ólík verkefni slökkviliða. Í dag fór Slökkvilið Akraness og Hvalfjarðarsveitar í Melahverfi, en þaðan hafði hjálparbeiðni borist frá íbúa. Kötturinn Marvin var þá búinn að húka í hæstu greinum myndarlegs aspartrés í þrjár klukkustundir og gat sig hvergi hreyft. Vaskir slökkviliðsmenn komu með stiga og sóttu köttinn. Marvin var frelsinu feginn og hinn ánægðasti þegar eigandi hans tók á móti honum á jörðu niðri.