Í kvöld er spáð snjókomubakka inn á sunnan- og suðvestanvert landið. Vegagerðin bendir á að frá Sandskeiði og austur yfir Hellisheiði sé reiknað með allhvössum vindi að auki og blindu frá því í kvöld og fram yfir morgunumferðina. Syðst á landinu, svo sem í Mýrdal, verður hríðarveður og skafrenningur og þar er hætt við að vegir teppist seint í kvöld. Þar rofar ekki til að gagni til fyrr en eftir hádegi á morgun.