Í ár fagnar Hvalfjarðarsveit 20 ára afmæli, sveitarfélagið varð til 1. júní 2006 með sameiningu fjögurra hreppa sem oft voru kallaðir; „hrepparnir sunnan Skarðsheiðar.“ Þetta voru Hvalfjarðarstrandarhreppur, Skilmannahreppur, Leirár- og Melahreppur og Innri-Akraneshreppur. Stjórnsýsluheitið Hvalfjarðarsveit var ákveðið á fyrsta fundi sveitarstjórnar á sínum tíma, enda hafði það fengið mest fylgi kjósenda í skoðaðankönnun sem haldin var samhliða sameiningarkosningunum þetta vor. Sveitarstjórn Hvalfjarðarsveitar hefur þegar hafið undirbúning að afmælishátíð í sveitarfélaginu og hefur vísað nánara skipulagi til Menningar- og markaðsnefndar.