Eftir síðustu áramót var opnuð ný deild í leikskólanum Klettaborg í Borgarnesi, eins og komið hefur fram í frétt Skessuhorns. Liðnar vikur hafa börn og starfsmenn skólans unnið að því að finna nafn á nýju deildina. Allar deildir leikskólans bera nöfn staðarheita úr bókum Astridar Lindgren. Í leikskólanum er því deildin Sjónarhóll þar sem Lína langsokkur býr, Kattholt þar sem Emil býr og þriðja deildin ber nafnið Ólátagarður þar sem börnin í Ólátagarði búa.