Í dag eru sjötíu ár liðin frá stofnun Vírnets hf, sem nú ber heitið Límtré Vírnet eftir sameiningu við Límtré á Flúðum árið 2005. Vírnet var stofnað í Borgarnesi 5. febrúar árið 1956 á grundvelli hugmynda um framleiðslu girðingarefnis. Þau áform urðu reyndar ekki að veruleika, en þess í stað hóf fyrirtækið að framleiða nagla og var um langt skeið eini framleiðandi nagla á Íslandi. Árið 1977 bættist klæðingarstál við framleiðsluna og varð það ein helsta framleiðsluvara fyrirtækisins, undir heitinu Borgarnesstál.