Miklar bætingar voru hjá sundfólki frá Akranesi á Reykjavík International Games sem fram fór um helgina. Reykjavíkurleikarnir voru að þessu sinni haldnir í 19. skipti, hófust á fimmtudaginn en lauk í byrjun vikunnar.

Eymar Ágúst Eymarsson bætti sig í öllum þremur greinum sem hann tók þátt í. Sunna Dís Skarphéðinsdóttir bætti sig í tveimur greinum og synti sitt besta sund í þeirri þriðju. Karen Anna Orlita bætti sig í fimm af sex sundum og Viktoria Emilia Orlita bætti sig í tveimur sundum. Sunna Arnfinnsdóttir synti sig í úrslit í þremur greinum og hennar besti árangur var fjórða sæti í 400 m skriðsundi, 5. sæti í 100 flugsundi og sjöunda sæti í 50 m baksundi. Karen Anna og Viktoria syntu með Sunnu í B-úrslitum í 50 m skriðsundi, þar sem Sunna varð nr. 1 og Viktoria nr. 3.

„Þetta er mjög góð byrjun á árinu svona snemma eftir jólafrí,“ segir Kjell Wormdal yfirþjálfari. „Gaman er einnig að segja frá því að ÍA átti marga sjálfboðaliða á mótinu, bæði sem dómara, þulir, körfuberar og við aðstoð við verðlaunaafhendingar. Við erum afar stolt af sundfólkinu okkar og sjálfboðaliðunum,“ segir Kjell.

Í lok móts var skrifað undir samninga um einstaklingsstyrki SSÍ, sem sambandið fékk úthlutað úr Afrekssjóði ÍSÍ. Einar Margeir Ágústsson var einn af fimm sundmönnum sem hlutu styrkinn á þessu ári.

**Miklar bætingar voru hjá sundfólkinu í ÍA og góð byrjun á árinu.**

**Þórdís Bjarney Guðmundsdóttir, sjálfboðaliði ársins hjá ÍA, var að sjálfsögðu mætt á mótið.**

Góð byrjun á tímabilinu á Reykjavik International Games