Í síðustu viku voru undirritaðir samningar á milli Dalabyggðar annars vegar og hins vegar Ungmennasamband Dalamanna og Norður-Breiðfirðinga (UDN).

Markmið samningsins við UDN er meðal annars að stuðla að auknu samstarfi UDN og Dalabyggðar á sviði íþrótta- og æskulýðsmála. Öllum börnum og ungmennum verður gefinn kostur á að taka þátt í fjölbreyttu og uppbyggilegu starfi UDN með áherslu á forvarnir og heilsueflingu. Þannig verði eflt enn frekar samstarfið á milli UDN og Dalabyggðar nú þegar hyllir undir upphaf á rekstri nýrra íþróttamannvirkja í Búðardal.

Markmið samningsins við Leikklúbb Laxdæla eru meðal annars að hvetja til og styrkja starfsemi klúbbins og styðja þannig við öflugt að fjölbreytt menningarlíf og jafnframt fær klúbburinn afnot af aðstöðu fyrir bæði búnað og æfingar. Samningurinn gildir til ársloka 2028 og vonast sveitarfélagið til þess að með samningnum fái menningar- og leiklistarstarf innan héraðs tækifæri til að blómstra enn frekar.

**Bjarki Þorsteinsson sveitarstjóri og Ólöf Halla Bjarnadóttir formaður Leikklúbbs Laxdæla að lokinni undirskrift samningsins.**

Dalabyggð semur við UDN og Leikklúbb Laxdæla