Kristjana Halldórsdóttir er ein þeirra sem hefur þann hæfileika að finna fegurð í hversdeginum þrátt fyrir að lífið hafi ekki alltaf verið auðvelt. Hún missti 22 ára dóttur sína, Jönu Sif, vorið 2023. Jana lést í kjölfar hjartaaðgerðar í Svíþjóð, en hún fæddist með alvarlegan hjartagalla. Kristjana segist hafa einsett sér að lifa lífinu í anda dóttur sinnar sem var einstaklega lífsglöð og jákvæð.