Kristján B. Snorrason er mörgum kunnugur. Hann hefur sinnt mörgum ólíkum hlutverkum í gegn um tíðina og finnst ekkert þeirra merkilegra eða stærra en annað. Kristján vann í nokkrum bönkum og stjórnaði þeim sumum, hann stofnaði hljómsveit, skipulagði viðburði, rak félagsheimili, lék fyrir dansi, gekk í skóla og stýrði ungmennafélagi. Meðal annars. Hann á líka börn og barnabörn, hann fer reglulega til miðils til að hitta systur sína og gengur með hringinn hennar mömmu á fingrinum. Nú býr Kristján á Brákarhlíð í Borgarnesi og segist ekki geta hafa lent á betri stað. Eftir tvennu sem hann mælir ekki með, hjartaáfall og heilablóðfall, er heilsan ekki upp á sitt besta en þráðurinn týnist aldrei lengi. Kristján ræðir við blaðamann Skessuhorns af rúmstokknum um lífið sem var og hvernig það fer í fallega hringi.