Lið ÍA og Keflavíkur mættust í 16 liða úrslitum VÍS-bikars karla í körfuknattleik í AvAir höllinni á Akranesi í gærkvöldi. Leikurinn varð aldrei spennandi eins og oft gerist í bikarleikjum, slíkir voru yfirburðir Keflavíkur. Að loknum fyrsta leikhluta var staðan 18-29 og í hálfleik 36-49. Í leikslok höfðu liðsmenn Keflavíkur skorað 102 stig gegn 71 stigi ÍA. Lið ÍA getur því einbeitt sér að því að tryggja veru sína í deild þeirra bestu á komandi vikum og mánuðum.