Ragnar Jónsson rannsóknarlögreglumaður hjá Tæknideild lögreglunnar kom í heimsókn í Fjölbrautaskóla Snæfellinga síðastliðinn fimmtudag. Hélt hann kynningu fyrir nemendur í Sakamálaáfanganum LÍFF2SA05 sem kenndur er við skólann. Í þeim áfanga eiga nemendur að kynnast grunnatriðum réttarvísinda og eru settar upp verklegar æfingar þar sem nemendur eiga að rannsaka glæpavettvang og afla sönnunargagna. Ragnar er þrautreyndur á þessu sviði og er sérhæfður í blóðferlarannsóknum hjá lögreglunni.

Nemendur létu vel af fyrirlestrinum og fylgdust með af áhuga. Eftir að Ragnar hafði lokið máli sínu gafst nemendum kostur á að spjalla við hann og spurja spurninga.

**Ragnar er hér fyrir miðju ásamt nemendum og kennurum sem sátu fyrirlesturinn.**

Tæknideild lögreglunnar mætti í FSN