Í dag verður austan- og suðaustan 13-20 m/s og slydda eða rigning, hvassast syðst á landinu, 18-23 við suðurströndina seinnipartinn, en mun hægara og úrkomulítið á Norður- og Austurlandi. Vegagerðin bendir á í tilkynningu sem hún var að senda að nú þegar hlánar á láglendi sé líklegt að ýmsir vegir sunnan- og vestanlands verði flughálir, ekki síst á láglendi. Við Hafnarfjall verður byljótt veður og með hviðum allt að 40 m/s. Lægir ekki þar fyrr en seint í kvöld.