Jafnan í upphafi aðventu eru markaðir haldnir víða um land. Í gær var einn slíkur á Hvanneyri og þá er Pop-up markaður handverksfólks á Breiðinni á Akranesi um helgina. Í félagsheimilinu Miðgarði í Hvalfjarðarsveit er nú um helgina haldinn árlegur jólamarkaður til stuðnings Innra-Hólmskirkju. Þar er til sölu handverk, bakkelsi, sultur, brauð og jólavörur af ýmsu tagi. Blaðamaður Skessuhorns leit við á markaðinum í gær og var strax klukkan 13 orðið þröngt um bílastæði. Markaðnum er fram haldið í dag frá klukkan 13-17.